Молитвы мученице Людмиле

Тропарь

Оставльша тьму идолослужения и с горячей любовию прияв свет Православныя веры Христовы, явися ты, святая Людмило, яко звезда утренняя, и светом святости твоея истинный день Богопочитания в Честей земли начав.

Кондак

Храм твой всечестный, яко цельбу душевную обретше, вси вернии велегласно вопием ти: дево мученице Людмило, великоименитая, Христа Бога моли непрестанно о всех нас.

Величание

Величаем тя, страстотерпице Христова Людмило, и чтим честное страдание твое, еже за Христа претерпела еси.

Молитва

О святая угоднице Христова, мученице княгине Людмило, первоугоднице Чешския страны и стольнаго града Праги украшение, теплая о нас пред Богом молитвеннице! Се мы, многогрешнии, смиренно припадающе, молим тя: не попусти нам погибнути в тине грехов наших, но вознеси о нас моление ко Господу, да помилует нас и дарует нам покаяние. О преблагая мати Людмило! Не забуди посещати чад твоих, аще бо и преставилася еси от нас в Небесныя обители, вкупе со внуком твоим, святым мучеником Вячеславом. Темже, святая прамати его, испроси и нам, грешным, Божие благословение на чада наша и на всех нас, да и мы, многогрешнии, возблагодарим Господа за подаяние Его благодати и купно с тобою да прославим Отца и Сына и Святаго Духа и твое великое заступление о нас во веки веков. Аминь.

Комментирование запрещено